आधारभूमि संवाददाता
काठमाडौ, असोज १९
इंग्लिस प्रिमियर लिग फुटबलमा १० खेलाडीमा सिमित म्यान्चेस्टर युनाइेडले टोटनह्याम हटस्पर्ससँग आफ्नै घरेलु मैदानमा लज्जास्पद हार ब्यहोरेको छ ।आइतबार राति भएको खेलमा हटस्पर्ससँग युनाइटेड आफ्नै घरेलु मैदानमा १–६ गोलअन्तरले पराजित भएको हो ।
टोटनह्यामलाई जित दिलाउन सन ह्युङ मिन र ह्यारी केनले दुई दुई गोल गरे भने टानगाइ एनडोमबेले र सर्जी अरियरले एक एक गोल गरे । युनाइेडका ब्रुनो फर्नान्डेसले एक गोल गरेका थिए ।
खेलमा पहिलो अग्रता युनाइेडले लिएको थियो ।खेलको दोस्रो मिनेटमै ब्रुनो फर्नान्डेसले पेनाल्टीमा गोल गर्दै युनाइटेडलाई अग्रता दिलाएका थिए ।तर, खेलको चौंथो मिनेटमा टानगुए एनडोमबेलेले गोल गर्दै खेल बराबरीमा ल्याए । त्यसको ३ मिनेटमा सन ह्युङ मिनले गोल गर्दै टोटेनहमलाई २-१ को अग्रता दिलाए ।
खेलको २८ मिनेटमा मार्सियल रातो कार्ड खाँदै मैदान बाहिरिएपछि युनाइेड १० खेलाडीमा सिमित बनेको थियो ।
खेलको २० औं मिनेटमा कप्तान ह्यारी केनले गोल गर्दै टोलीलाई ३–१ ले अघि बढाए। ३७ औं मिनेटमा सन ह्युङ मिनले व्यक्तिगत दोस्रो गोल गर्दै टोलीलाई पहिलो हाफमा ४-१ को अग्रता दिलाए ।
दोस्रो हाफको ५१ औं मिनेटमा सर्जी अरियरले टोटेनहमलाई ५-१ को अग्रता दिलाए ।खेलको ७९ औं मिनेटमा कप्तान ह्यारी केनले पेनाल्टीमा व्यक्तिगत दोस्रो गोल गर्दै टोलीलाई सानदार जित दिलाए ।
जितसँगै टोटेनहमले ४ खेलबाट ७ अंक जोडेको छ र तालिकाको पाँचौं स्थानमा उक्लिएको छ ।पराजित युनाइेडको ३ खेलबाट ३ अंक छ र तालिकाको १६ औं स्थानमा रहेको छ ।
्
