आधारभूमि संवाददाता
काठमाडौ, असोज १९
स्पेनिस ला लिगा फुटबलमा डिफेन्डिङ च्याम्पियन रियल म्याड्रिड शीर्ष स्थानमा उक्लिएको छ । आइतबार राति भएको खेलमा रियलले लेभान्टेलाई २-० गोल अन्तरले पराजित गरेको हो ।
रियल म्याड्रिडलाई जित दिलाउन भिनिसियस जुनियर र करिम बेन्जिमाले एक एक गोल गरेका थिए ।रियलले एक पहिलो हाफमा र अर्को गोल दोस्रो हाफको इन्जुरी समयमा गरेको हो ।
खेलको १६ औँ मिनेटमा रियल म्याड्रिडका भिनिसियस जुनियरले गोल गर्दै टोलीलाई अग्रता दिलाएका थिए। त्यसपछि दोस्रो हाफको इन्जुरी समयमा बेन्जिमाले गोल गर्दै रियललाई २-० को जित दिलाए ।
जितसँगै रियल म्याड्रिडले ४ खेलबाट १० अंक जोडेको छ र तालिकाको शीर्ष स्थानमा उक्लिएको छ । पराजित लेभान्टेको ४ खेलबाट ३ अंक छ र तालिकाको १८ औं स्थानमा रहेको छ ।
