पोखरा, असोज १६
गण्डकी बहुप्राविधिक शिक्षालयमा विद्यार्थी भर्नाका लागि यसअघि तोकीएको समयसिमामा १० दिन समय थप भएको छ ।
प्राविधिक शिक्षा तथा व्यवसायीक तालिम परिषदको प्रस्तावमा मन्त्रीस्तरीय निर्णय पश्चात डिप्लोमा र प्रि डिप्लोमामा भर्नाका लागि आवेदन फाराम बुझाउने समय अवधी असोज २५ गतेसम्मका लागि १० दिन थप भएको हो । पोखरा २९ भण्डारढिकमा रहेको गण्डकी बहुप्राविधिक शिक्षालयमा डिप्लोमा इन सिभिल इन्जिनियरिङ र डिप्लोमा इन अटोमोबाइलको पढाइ यसैवर्षदेखि सुरु हुँदैछ । जसमा डिप्लोमा इन सिभिल इन्जिनियरिङ्तर्फ ४८ तथा अटोमोबाइलतर्फ ४८ जना विद्यार्थीका लागि भर्ना खुलेको हो ।
भर्ना आवेदनका लागि पोखरा महानगरपालिकाको वेवसाइट मार्फत फाराम डाउनलोड गर्न सकिने छ । साथै, महानगरको शैक्षिक प्रशासन महाशाखा, ड्यामसाइड वा गण्डकी बहुप्राविधिक शिक्षालयको कार्यालय भण्डारढिकबाट समेत आवेदन फाराम उपलव्ध हुने शिक्षालयले जनाएको छ । बिद्यार्थीले असोज २५ गते साँझ ४:०० बजेसम्म आवेदन फाराम बुझाउन सक्नेछन ।
