आधारभूमि संवाददाता
काठमाडौ, असोज १४
इंग्लिस क्लब लिभरपुलका मिडफिल्डर थियागो अलाकान्टरालाई कोरोना भाईरसको संक्रमण पुष्टि भएको छ । लिभरपुलले अलाकान्टरालाई कोरोना पुष्टि भएको जनाएको छ । संक्रमण पुष्टि सँगै उनलाई सेल्फ आइसोलेसनमा राखिएको छ। क्लबको अनुसार उनलाई कोरोना भाइरसको सानो लक्षण देखिएको छ तर स्वास्थ्य अवस्था राम्रो छ र राम्रो हुँदै गइरहेको छ ।
अलाकान्टरा हालै मात्र जर्मन क्लब बायर्न म्युनिखबाट लिभरपुल आएका हुन् । उनले क्लबसँग ४ वर्षको सम्झौता गरेका छन् ।
थियागोले गत साता चेल्सीमाथि २-० को जित निकाल्दा डेब्यु गरेका थिए ।आउँदो शुक्रबार काराबाओ कपमा लिभरपुलले आर्सनलसँग प्रतिस्पर्धा गर्दै छ। त्यस्तै, सोमबार एस्टन भिल्लासँग प्रिमियर लिगको खेल खेल्ने तालिका छ। थियागोले यो दुवै खेल गुमाउने छन्।
