आधारभूमि संवाददाता
काठमाडौ, असोज १२
बार्सिलोनाले स्पेनिस ला लिगा फुटबलमा जितसँगै नयाँ सिजनको सुरुवात गरेको छ । आइतबार राति भएको खेलमा बार्सिलोनाले भिल्ला रियल ४–० गोलले पराजित गरेको हो ।
बार्सिलोनाको जितमा अन्सु फातीले दुई गोल र लियोनल मेस्सीले एक गोल गरेका थिए भने बार्सिलोनाले एक गोल आत्मघाती पाएको थियोे ।बार्सिलोनाले सबै गोल पहिलो हाफमै गरेको हो ।
खेलको १५ औँ मिनेटमा अन्सु फातीले गोल गर्दै टोलीलाई अग्रता दिलाएका थिए। फातीले सो गोल जोर्डी अल्बालेको पासमा गरेका हुन् । त्यसको चार मिनेपछि फातीले फिलिप कौटिन्होको पासमा व्यक्तिगत दोस्रो गोल गर्दै टोलीको अग्रता दोब्बर पारे ।
खेलको ३५ औं मिनेटमा लियोनल मेस्सीले पेनाल्टीमा गोल गर्दै बार्सिलोनालाई ३–० को अग्रता दिलाए। त्यसपछि ४५ औं मिनेटमा टोरेसले आत्मघाति गोल गरेपछि पहिलो हाफ ४–०मा सकिएको थियो । त्यसपछि दोस्रो हाफमा कुनै गोल हुन सकेन ।
