आधारभूमि संवाददाता

काठमाडौं, भदौ २३

पेरिस सेन्ट जर्मेन (पीएसजी)का फरवार्ड केलियन एम्बाप्पेलाई कोरोना संक्रमण पुष्टि भएको छ ।फ्रान्सेली फुटबल संघले केलियन एम्बाप्पेलाई कोरोना संक्रमण पुष्टि भएको सोमबार घोषणा गरेको छ। फ्रान्सेली फुटबल संघका अनुसार सोमबार बिहान एम्बाप्पेलाई कोरोना संक्रमण पुष्टि भएको हो
।

एम्बाप्पेमा कोरोना पुष्टि भएसँगै अब नेशन्स लिगका बाँकी खेल गुमाउने भएका छन् । २१ बर्षिया
एमबाप्पेले  नेशन्स लिगको पहिलो खेलमा स्विडेनलाई हराउने क्रममा निर्णायक गोल गरेका थिए ।
उनलाई अहिले टिमभन्दा बाहिर राखिएको छ । उनलाई सोमबारनै घर पठाईएको छ भने  उनी आइसोलेसनमा बसिसकेका छन्।