काठमाडौँ, ३२ साउन
आधारभूमि संवाददाता
काठमाडौँ, ३२ साउन
विश्वमा कोरोना भाइरस सङ्क्रमितको संख्या दुई करोड १६ लाख नाघेको छ ।
नेपाली समय आइतबार १०:०० बजे सम्म विश्वभरीमा दुई करोड १६ लाख १५ हजार ३३५ जना व्यक्ति कोरोना सङ्क्रमित भएका छन् ।
सङ्क्रमितमध्ये हालसम्म एक करोड ४३ लाख २९ हजार ७४३ व्यक्ति कोरोना मुक्त भएका छन् । विश्वभरमा ६५ लाख १६ हजार ६२३ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये ६४ हजार ४४५ जनाको अवस्था गम्भीर रहेको जनाइएको छ भने विश्वमा कोरोना भाइरस सङ्क्रमणको कारण ७ लाख ६९ हजार ९६९ व्यक्तिको मृत्यु भएको छ ।
चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।
सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित ब्राजिलमा देखिएको छ ।
पछिल्लो विवरण अनुसार अमेरिकामा कुल सङ्क्रमितको संख्या ५५ लाख २९ हजार ७८९ पुगेको छ । त्यसैगरी यहाँ कुल मृतकको संख्या एक लाख ७२ हजार ६०६ पुगेको छ ।
दोस्रो धेरै प्रभावित भएको ब्राजिलमा ३३ लाख १७ हजार ८३२ जना सङ्क्रमित भएका छन् भने १ लाख ७ हजार २९७ जनाको मृत्यु भएको छ ।
त्यसतै तेस्रो धेरै प्रभावित भएको भारतमा २५ लाख ८९ हजार २०८ जना सङ्क्रमित भएका छन् भने ५० हजार ८४ जनाको मृत्यु भएको छ ।
स्रोत : वर्ल्डोमीटर
https://www.worldometers.info/coronavirus/
