काठमाडौ, साउन २३
नेपालमा रेमिटेन्स् भित्राउन अब्बल स्थानमा रहेको आई पे रेमिटले नेपाली नारीहरुका लागि विशेष महत्व राख्ने हरितालिका तिजलाई लक्षित गरी टिकटक च्यालेन्ज गर्ने घोषणा गरेको छ । श्रावण २३ गतेबाट सुरु भएको यस प्रतियोगितामा सहभागी हुन चाहनु हुने प्रतियोगीहरुले आई पे रेमिटको तीज गीतमा आफ्नो टिकटक भिडियो बनाई भाद्र ६ गतेसम्ममा अपलोड गरिसक्नु पर्नेछ ।
टिकटक च्यालेन्जमा सहभागी हुने मध्ये दैनिक ५ जनाले रु. २०० को टपअप पाउनु हुनेछ भने १ जना भाग्यशाली विजेताले नगद पुरस्कार रु. १५,००० जित्ने मौका पाउनु हुनेछ । अघिल्लो वर्ष पनि आयोजना गरिएको आई पे रेमिटको टिकटक च्यालेन्जमा देश तथा विदेशबाट उल्लेखनीय सहभागिता देखिएको थियो र यस वर्ष सो सहभागिता थप उल्लासमय हुने अपेक्षा गरिएको छ ।
