आधारभूमि संवाददाता
काठमाडौं, असार २८
यस सिजनको प्रिमियर लिगको विजेता लिभरपुल बर्नलीसँग सिटीसँग बराबरीमा रोकिएको छ। शनिबार राति घरेलु मैदान एनफिल्डमा भएको खेलमा एक गोलको अग्रता जोगाउन नसक्दा लिभरपुलले बर्नलीसंग १ –१ गोलको बराबरी खेल्दै अंक बाँढेको हो ।
खेलमा लिभरपुलको लागि एन्ड्रयु रोबर्टसनले एक गोल गरे भने बर्नलीको लागि जे रोड्रिगेजले एक गोल गरे ।
खेलमा पहिलो अग्रता लिभरपुलनै लिएको थियो । खेलको ३४ औँ मिनेटमा लिभरपुलका एन्ड्रयु रोबर्टसनले गोल गर्दै टोलीलाई अग्रता दिलाएका थिए।
दोस्रो हाफको ६९औं मिनेटमा जे रोड्रिगेजले बर्नलीका लागि बराबरी गोल फर्काए । त्यसपछि कुनै गोल हुन सकेन र खेल बराबरीमा रोकिएको हो ।
बराबरीसँगै शीर्ष स्थानको लिभरपुलको ३५ खेलबाट ९३ अंक जोडेको छ । लिभरपुलले लिगको उपाधि यस अघि नै जितिसकेको छ । लिभरपुलले दोस्रो स्थानको म्यानचेस्टर सिटी सँग २१ अंकको अग्रता बनाएको छ । समान खेलबाट दोस्रो स्थानको सिटीको ७२ अंक छ। तेश्रो स्थानमा रहेको लीस्टर सिटीको समान खेलबाट ६० अंक छ।
