आधारभूमि संवाददाता

काठमाडौं, असार २८

स्पेनिस ला लिग अन्तर्गत गएराति भएको खेलमा बार्सिलोना रियल भालाडोलिडलाई पराजित गरेको छ। गएराति भएको खेलमा बार्सिलोनाले रियल भालाडोलिडलाई १–० ले पराजित गरेको हो ।

बार्सिलोनालाई जित दिलाउन अर्टुरो भिडालले गरेको गोल नै निर्णायक बन्न पुग्यो । भिडालले खेलको १५ औं मिनेटमा लियोनल मेस्सीको पासमा सो गोल गरेका हुन् । सोही गोल बार्सिलोनालाई ३ अंक दिलाउन पर्याप्त बन्यो ।

जितसँगै बार्सिलोना लिगको दोस्रो स्थानमा कायम रहेको छ । बार्सिलोनाले ३६ खेलबाट ७९ अंक जोडेको छ । एक खेल कम खेलको रियलको ८० अंक छ र लिगको शीर्ष स्थानमा छ ।तेस्रो स्थानको एट्लेटिको ३६ खेलबाट ६६ अंक छ ।