काठमाडौं, असार २४
इटालियन सिरि ‘ए’ मा शीर्ष स्थानको युभेन्ट्स एसी मिलानसंग पराजित भएको छ। मंगलबार राति भएको खेलमा युभेन्ट्सलाई एसी मिलानले ४–२ ले पराजित गरेको हो ।
एसी मिलानको जितमा ईब्राहिमोभिच,फ्रेन्क किसी ,राफेल लिओ र एन्टी रेबिकले एक-एक गोल गरे भने युभेन्टसको एड्रियन रोबोट र क्रिस्टियानो रोनाल्डोले एक-एक गोल गरे ।
पहिलो हाफ गोल रहित बराबरिमा सकियको थियो । खेलमा सबै गोल दोस्रो हाफमा भएको थियो ।
खेलमा पहिलो अग्रता युभेन्ट्सलेनै लिएको थियो । खेलको ४७ औँ मिनेटमा युभेन्टसका एड्रियन रोबोटले गोल गर्दै टोलीलाई अग्रता दिलाएका थिए। त्यसको ६ मिनेटमा क्रिस्टियानो रोनाल्डोले गोल गर्दै युभेन्टसको अग्रता दोब्बर पारे ।
त्यसपछि एसी मिलानले लगातार ४ गोल गरेको हो । ६२ औं मिनेटमा ईब्राहिमोभिचले पेनाल्टीमा गोल गरे त्यसको ५ मिनेटको अन्तरमा फ्रेन्क किसी र राफेल लिओले गोल गर्दै टोलीलाई ३–२ को अग्रता दिलाए । खेलको ८० औं मिनेटमा एन्टी रेबिकले गोल गर्दै एसी मिलानको जीत सुनिश्चित गरे । त्यसपछि कुनै गोल हुन सकेन र एसी मिलानले जित निकालेका हो ।
जितसँगै एसी मिलानको ३१ खेलबाट ४९ अंक छ । मिलान लिगको पाँचौ स्थानमा छ । पराजित भए पछि पनि युभेन्टस लिगको शीर्षस्थानमा छ । युभेन्टसको ३१ खेलबाट ७५ अंक छ । समान खेल खेलेको लाजियोको ६८ अंक सहित लिगको दोश्रो स्थानमा छ।
