काठमाडौं, असार २२
स्पेनिस ला लिग अन्तर्गत गएराति भएको खेलमा बार्सिलोना भिल्ला रियललाई पराजित गरेको छ।
गएराति भएको खेलमा बार्सिलोनाले भिल्ला रियललाई ४–१ ले पराजित गरेको हो ।
बार्सिलोनालाई जित दिलाउन लुइस सुआरेज, एन्टोइन ग्रिजमान र अंशु फाटिले एक-एक गोल गरे भने एक आत्मघाति गोल पाएको थियो । भिल्ला रियलका जेरार्ड मोरेनोले एक गोल गरे ।
भिल्ला रियलका पउ टोरेसले खेलको ३ औँ मिनेटमा आत्मघाती गोल गरेपछि बार्सिलोनाले अग्रता लिएको थियो । त्यसको ११ औँ मिनेटपछि भिल्ला रियलका जेरार्ड मोरेनोले गोल गर्दै खेल बराबरीमा फर्काए ।
खेलको २० औं मिनेटमा लुइस सुआरेजले गोल गर्दै बार्सिलोनाको अग्रता दोब्बर पारे । सुआरेजले लियोनेल मेस्सीको पासमा सो गोल गरेका हुन् । त्यसपछि ४५ औँ मिनेटमा एन्टोइन ग्रिजमानले गोल गर्दै टोलीलाई ३–१ को अग्रता दिलाए । ग्रिजमानले पनि लियोनेल मेस्सीको पासमा सो गोल गरेका हुन् । दोस्रो हाफको ८७ औँ मिनेटमा अंशु फाटिले गोल गर्दै जीत सुनिश्चित गरे । त्यसपछि कुनै गोल हुन सकेन र बार्सिलोनाले ४–१ को जित निकालेका हो ।
जितसँगै बार्सिलोना लिगको दोस्रो स्थानमा कायम रहेको छ । बार्सिलोनाले ३४ खेलबाट ७३ अंक जोडेको छ । समान खेल खेलको रियलको ७७ अंक छ र लिगको शीर्ष स्थानमा छ ।तेस्रो स्थानको एट्लेटिको ३४ खेलबाट ६२ अंक छ ।
