काठमाडौं, असार १५
रियल म्याड्रिडले स्पेनिस ला लिगामा दोस्रो स्थानको बार्सिलोनासँग दुई अंकको अग्रता
लिएको छ ।
गएराति भएको खेलमा रियल मड्रिडले इस्प्यान्योललाई १-० गोलले पराजित गर्दै शीर्ष स्थानमा उक्लिएको हो ।
रियल मड्रिडलाई जित दिलाउन कासेमिरोले गरेको गोल नै निर्णायक बन्न पुग्यो । कासेमिरोले ४५ मिनेटमा करिम बेन्जिमाको पासमा सो गोल गरेका हुन्। सोही खेल रियललाई स्पष्ट दुई अंकको अग्रता दिलाउन पर्याप्त रह्यो ।
जितसंगै रियल मड्रिडले ३२ खेलबाट ७१ अंक जोडेको छ । दोस्रो स्थानको बार्सिलोनाको समान खेलबाट ६९ अंक छ ।
आइतबार राति भएका अरु खेलमा लेभान्टेले रियल बेटिसलाई ४–२, भिल्लारियलले भ्यालेन्सियालाई २–० तथा एइबरले ग्रानाडालाई २–१ ले पराजित गरेका छन् ।
