काठमाडौं, चैत ३०
बिसं २०७७ सालको पहिलो दिन अर्थात भोलि सोमबारबाट नेपाल राष्ट्र बैंकले ४० करोड रुपैयाँको बैदेशिक रोजगार बचतपत्रको बिक्री खुल्ला गर्ने भएको छ । बार्षिक १० प्रतिसत व्याजदर कायम रहने गरी पाँच बर्षे अवधिको बैदेशिक रोजगार बचतपत्र २०८२ बिक्री गर्न लागिएको राष्ट्र बैकले जनाएको छ ।
यो बचतपत्र मुलुक बाहिर रोजगारीमा संलग्न वा मुलुक बाहिरको रोजगारीबाट फर्केको छ महिना नपुगेका नेपाली नागरिक वा गैर–आवासीय नेपालीले आपूm वा आफ्नो परिवारको सदस्य अन्र्तगत बुवा, आमा, श्रीमान्, श्रीमती, छोरा, छोरी मात्रको नाममा खरिद गर्न सक्नेछन । बचतपत्र खरिदको लागि घटीमा दश हजार रुपैयाँ र बढीमा दश हजार रुपैयाँले भाग गर्दा निःशेष भाग जाने गरी आह्वान गरिएको रकम सम्म खरिद गर्न सकिने राष्ट्र बैंकले जनाएको छ । खरिद गरिएको बचतपत्र धितो राखेर बैंक तथा वित्तीय संस्थाबाट कर्जा लिन वा दिन सकिने छ ।
बैशाख एक गते सोमबारदेखि बिसं २०७७ असार २१ गतेसम्म खरिद गर्न सकिने बचतपत्रको निष्काशन मिती २०७७ बैशाख २७, जेठ २७ गते र असार २७ गते तोकिएको छ । बचतपत्रको सावाँ भुक्तानी अवधि २०८२ बैशाख २८ गते, जेठ २८ गते र असार २८ गते तोकिएको छ । बचतपत्र खरिदको सिटिजन्स बैंक इन्टरनेशनल, नबिल बैंक, माछापुच्छे« बैंक, प्रभुु बैंक, सनराईज बैंक, सिद्धार्थ बैंक, सानिमा बैक, सेञ्चुरी कर्मसियल बैंक, प्रभु मनी ट्रान्सफर, सेवा रेमिट र सिटी एक्सप्रेस मनी ट्रान्सफर तोकिकाएकाछन ।
