• गृहपृष्ठ
  • नेपाल वायुसेवा निगमद्धारा जापानको नारिता र यूएईको दुवईको उडान स्थगित

नेपाल वायुसेवा निगमद्धारा जापानको नारिता र यूएईको दुवईको उडान स्थगित

Mar 19th, 2020

काठमाडौ, चैत ७

नेपाल वायुसेवा निगमले जापानको नारिता र यूएईको दुवईमा गर्दै आएको नियमित उडान चैत्र ७ गतेको मध्यरात देखि लागु हुने गरी स्थगित गरेको छ ।

उप प्रधानमन्त्री तथा रक्षामन्त्री ईश्वर पोख्रेलको अध्यक्षतामा बुधबार बसेको कोभिड १९ संक्रमण रोकथाम तथा नियन्त्रण उच्चस्तरीय समन्वय समितिको बैठकले गरेको निर्णय अनुसार ती दुई गन्तव्यको नियमित उडान अर्को निर्णय चैत्र ३० गतेसम्मका लागि स्थगित गरिएको छ ।

चैत्र ७ गते र सो भन्दा पछिका उडानका टिकट खरीद गरेका यात्रुहरुलाई टिकट फिर्ता गर्दा भुक्तानी गरेको रकम पुरै उपलब्ध गराइने छ । यसका अतिरिक्त नियमित उडान चालुरहेका गन्तव्यका लागि टिकट लिएका यात्रुहरुले उडानको एक दिन अघि उडान रद्द गर्न चाहेमा पनि भुक्तानी गरेको पुरै रकम उपलब्ध गराइने छ । यात्रुहरुको उडान मिति परिवर्तन गर्दा शुल्क नलाग्ने व्यवस्था गरिएको समेत जानकारी दिएको छ ।