काठमाडौँ, २५ फागुन
बार्सिलोना पुनः लिगको शीर्ष स्थानमा उक्लेको छ।
शनिबार राति भएको खेलमा रियल सोसियाडलाई १–० गोल अन्तरले हराउँदै बार्सिलोना शीर्ष स्थान उक्लिएको हो ।
बार्सिलोनालाई जित दिलाउन कप्तान लियोनल मेस्सीले एक गोल गरे । मेस्सीले पेनाल्टीमा गोल गरेका हुन्।
सोसियाडका रोबिन डी नर्मान्डको ह्याण्ड बलमा बार्सिलोनाले पेनाल्टीको अवसर पाएको थियो । जसलाई कप्तान लियोनल मेस्सीले सदुपयोग गरे र बार्सिलोनालाई जित दिलाए ।
जितपछि बार्सिलोना लिगको शीर्ष स्थानमा उक्लिएको छ। बार्सिलोनाले २७ खेलबाट ५८ अंक जोडेको छ । एक खेल कम खेलको रियलको ५६ अंक छ र लिगको दोश्रो स्थानमा छ ।पराजित सोसिडाड ४३ अंक सहित तालिकाको छैटौ स्थानमा यथावत छ ।
