काठमाडौ, फागुुन २४
नोवेल कोरोना भाइरसको कारण सम्पूर्ण विश्वमा नै सन्त्रास फैलिएको अवस्थामा काठमाण्डौको तिलगङ्गा स्थित एक होटलले कोरोनावाट बच्न सरसफाई कार्यक्रम संचालन गरेको छ । फागुन २३गते शुक्रवार र्याली समेत आयोजना गरेको होटल ’आनन्दपशुपति’ टिमले उक्त क्षेत्र वरपर सरसफाईका साथ साथै हरियाली कायम गर्न वृक्षरोपन समेत गर्दै आएको छ ।
द पिक हस्पिटालिटी म्यानेजमेन्टद्वारा होटल ’आनन्दपशुपति’ ले सरसफाई कार्यक्रम संचालन गरेको हो । आगामी नयाँ बर्षबाट संचालनको तयारीमा रहेको यस होटलले यो संगसंगै विभिन्न सामाजिक जागरणका कार्यक्रम समेत सन्चालन गर्दै जाने तयारी रहेको छ ।
शुद्ध शाहाकारी खाना पाइने होटलमा मदिरा सेवन भने प्रतिबन्ध नै गरिएको छ । नेपाल भर नै हस्पिटालिटी क्षेत्रमा काम गर्ने उद्येश्य बोकेको पिकको यो होटल संचालन प्रयास एक फरक प्रयोग हो । मुख्य त भारतीय तिर्थयात्रुलाई लक्षित गरेर संचालन गर्न लागिएको होटलले पर्यटन क्षेत्रमा समेत सकारात्मक प्रभाव छोड्ने छ । करिव ८० कोठा उपलब्ध हुने होटलमा नर्मल देखि स्विट्स सम्मको व्यवस्था गरिने छ । शाकाहारी भन्न साथ खानेकुराको ’अप्सन’ हुदैन भन्नेहरुको लागि यो होटल एक उदाहरणको रुपमा रहने छ ।
रोजगार सिर्जना गर्दै समुदायसंग मिलेर स्वावलम्बनका कामहरु समेत गर्दै लगिने तयारी समेत रहेको पीकका संचालक विवेक विष्टले बताए । पहिलो कार्यक्रमको रुपमा वाग्मती किनार सफा गरेको टिमले बिस्तारै जनचेतनामुलक कार्यक्रम संचालन गर्ने तथा सामाजिक काम गर्ने तयारी गरिरहेको छ । होटलले पन्चामृत नामक रेस्टुरेन्ट समेत संचालन गरी शुद्ध शाहाकारी भोजन गराउने छ ।