काठमाडौं, फागुन २१

नेपालको लागि हुण्डाई गाडीको एक मात्र अधिकृत बिक्रेता लक्ष्मी इन्टरकन्टिनेन्टल प्रालिले ‘हुण्डाई ओपन गल्फ प्रतियोगिता २०२०’ आयोजना गर्ने भएको छ । विगतका वर्षमा पनि कम्पनीले प्रतियोगिता सञ्चालन गर्दै आएको छ । यस वर्ष कम्पनीले शुक्रबार र शनिबार गल्फ प्रतियोगिताको आयोजना गर्न लागेको जनाएको छ । उक्त ओपेन गल्फ प्रतियोगिता१८ होल मा स्टेबल फोल्ड फम्र्याटमा र ३÷४ ह्यान्डिक्यापमा खेलिने कम्पनीले जनाएको छ ।

यस प्रतियोगितामा नेपालका १३० गल्फ खेलाडीले प्रतिस्पर्धा गर्नेछन् । यस प्रतियोगितामा टाईटल विनर (नेट), फस्ट रनर–अप, सेकेण्ड रनर–अप, वेस्ट ग्रोस, लेडिज विनर, सिनियर विनर (६० वर्ष उमेर माथिको), जुनियर विनर (१७ वर्षमुनिको), हुण्डाई ओनर क्याटागोरी विनर, लङ्गेस्ट ड्राइभ, क्लोजेस्ट टु द पिन, मोस्ट वर्डाइज क्याटागोरीमा विजेता घोषणा गरिने कम्पनीले जनाएको छ । यसका साथै होल इन ओन विजेतालाई उपहारस्वरुप एक थान हुण्डाई ग्राण्ड आई१०(माग्ना) गाडी प्रदान गर्ने कम्पनीले घोषणा गरेको छ । हुण्डाईले विश्वभर नै गल्फ खेलको विकास र प्रवद्र्धन गर्ने हेतुले विभिन्न गल्फ प्रतियोगिता प्रायोजन गर्दै आएको छ ।