काठमाडौँ, १४ फागुन
बार्सिलोना च्याम्पियन्स लिग अन्तर्गत अन्तिम १६ को पहिलो लेगमा इटालियन क्लब नापोलीसँग बराबरीमा रोकिएको छ । मंगलबार राति नापोलीको घरेलु मैदानमा भएको खेलमा बार्सिलोना १–१ गोलको बराबरीमा रोकिएको हो ।
खेलमा नापोलीका लागि ड्राइज मर्टेन्स र बार्सिलोनाका लागि एन्टोनी ग्रिजम्यानले गोल गरेका थिय ।
खेलमा पहिलो अग्रता नापोलीले लीएको थियो। ३० औं मिनेटमा ड्राइज मर्टेन्सले गोल गर्दै नापोलीलाई अग्रता दिलाएका थिए । पहिलो हाफमा पछि परेको बार्सिलोनाले ५७औं मिनेटमा बराबरी गोल फर्कायो । ५७ औं मिनेटमा एन्टोनी ग्रीजमनले गोल गर्दै खेल बराबरी गरेका हुन्
।
खेलको ८९औं मिनेटमा अर्टुरो भिदाल लगातार दोहोरो पहेँलो (रातो) कार्ड खाँदै मैदानबाट बाहिरिएपछि बार्सिलोनाले १० खेलाडीमा सिमित भएर खेलको अन्त्य गरेको थियो । दोस्रो लेग आउँदो १८ मार्चमा बार्सिलोनाको मैदानमा हुनेछ ।
