आधारभूमी संवाददाता
काठमाडौं ,८ फागुन
सेक्युरिटी प्रिन्टिङ प्रेस खरिदमा ७० करोड घुस मागेको अडियो सार्वाजानिक भएपछि सञ्चार तथा सूचना प्रविधिमन्त्री गोकुल बास्कोटाले राजीनामा दिएका छन् ।
उनले सेक्युरिटी प्रिन्टिङ प्रेस खरिदका लागि स्वीस एजेन्टसँग ७० करोड कमिसनका लागि कुराकानी गरेको तथ्य बाहिरीएपछि मन्त्री पदबाट राजीनामा दिएका हुन् ।
सभामुख अग्नि सापकोटाले बास्कोटाले राजीनामा दिएको संसदमा जानकारी गराएका छन् । संसदको बैठकमा प्रमुख विपक्षी कांग्रेसले सञ्चारमन्त्री बास्कोटालाई बर्खास्त गर्न माग गरेको थियो ।
यसको जिम्मा प्रधानमन्त्रीले लिनुपर्ने र यसलाई भ्रष्टाचारको विषय बनाउनुपर्ने कांग्रेसको माग छ । बास्कोटाले राजीनामा दिएपनि औपचारिक पत्र भने आउन बाँकी रहेको संसद स्रोतले वताएको छ ।
