काठमाडौं, ४ फागुन
भोजपुर, राम प्रसाद राई गाउँपालिका-६ सिरिसे बस्ने ५० वर्षीय ऋषिकेश सार्कीको घरमा शनिबार दिउँसो आगलागी हुँदा घर पूर्ण रुपमा जलेर करिब ५ लाख ३६ हजार रुपैयाँ बराबरको धनमाल नष्ट भएको छ ।
धनुषा, नगराईन नगरपालिका-७ बस्ने रामचन्द्र मण्डलको गोठमा आइतबार बिहान आगलागी हुँदा गोठ तथा ज.८ प ९१४३ नम्बरको मोटरसाइकल, साइकल २ थान र पानी तान्ने पम्प १ थान समेत जलेर करिब ४ लाख रुपैयाँ बराबरको धनमाल नष्ट भएको छ ।
स्थानीय बासिन्दा तथा दमकलको सहयोगमा आगो नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ ।
