आधारभूमी संवाददाता
काठमाडौँ, २० माघ
साताको पहिलो दिन बढेको सुनको मूल्य आज भने स्थिर रहेको छ । नेपाल सुनचाँदी व्यवसायी महासङ्घले आजको लागि पनि छापावाला सुनको मूल्य प्रतितोला रु ७६ हजार ५०० र तेजाबी सुनको मूल्य प्रतितोला रु ७६ हजार २०० तोकेको छ ।
चाँदीको मूल्य भने आज प्रतितोला रु ५ ले घटेको छ । महासङ्घले आजका लागि चाँदीको मूल्य प्रतितोला रु ८९० तोकेको छ । आइतबार चाँदी तोलामा ८९५ रुपैयाँमा कारोबार भएको थियो ।
