काठमाडौं, माघ १७
बार्सिलोना कोपा डेल रे फुटबलको क्वार्टरफाईनलमा प्रवेश गरेको छ । बिहिबार नाउ क्याम्पमा भएको खेलमा बार्सिलोनाले लेगानेसलाई ५–० को फराकिलो अन्तरले पराजित गर्दै क्वाटर फाइनलमा प्रवेश गरेको हो ।
बार्सिलोनाको जितमा एन्टोनी ग्रिजम्यान,क्लेमेन्ट लेन्गलेट र अर्थरले एक–एक गोल गरे भने लियोनल मेस्सीले २ गोल गरे ।
बार्सिलोनाले खेलको चौथो मिनेटमै अग्रता लिएको थियो। सो अग्रता ग्रिजम्यानले दिलाएका थिए ।
२७ औं मिनेटमा क्लेमेन्ट लेन्गलेटले बार्सिलोनाको अग्रता दोब्बर बनाए र पहिलो हाफ २-० को नतिजामा सकियो।
दोश्रो हाफमा लियोनल मेस्सीले ५९ औं मिनेटमा बार्सिलोनाका लागि तेस्रो गोल गरे । अर्थरले ७७ औं मिनेटमा बार्सिलोनाको लागि चौथो गोल गरे । खेल सकिन एक मिनेट बाँकी छदाँ मेस्सीले व्यक्तिगत दोस्रो गोल गर्दै बार्सिलोनालाई ५–० को फराकिलो जित दिलाए ।
बार्सिलोनाका लागि मेस्सीको गोल सङ्ख्या ६ सय २३ पुगेको छ । योसँगै मैस्सीले बार्सिलोनाको जर्सीमा ५ सयौँ गोल पुरा गरेका छन् ।
