काठमाडौैं, माघ १०
आधारभूमी संवाददाता
सेयरबजारमा हुने सामान्य खालका उतारचढाव रोक्नका लागि मार्केट मेकर प्रवेश गराउने चर्चा चलेको करिब १२ वर्ष बित्यो । तर यस बिचमा न बजार उतारचढावमा कमि छ नत यसलाई कम गर्न सरकारले मार्केट मेकर वा मार्केट डिलरको नै गठन गरेको छ ।
सेयरबजारमा अहिले मार्केट डिलर आउनै लागेको चर्चा छ । लगानीकर्ता यो १ महिनाभित्रै बजार प्रवेश गर्ने भनेर ढुुक्क भएका छन् । तर वास्तवीकता त्यसो होइन । बरु यो महिनाभित्रै यसका लागि कम्पनी स्थापना हुने चाहि सत्य हो ।
नागरिक लगानी कोषको अगुवाईमा स्थापना हुन लागेको स्टक डिलर अहिले पनि कानुनको निर्माणको चरणमा नै छ । जसको स्थापना गर्ने चर्चा चलेको अहिले १२ वर्ष वित्यो ।
साना साना खालका हल्लाले पनि बजारलाई ठूलै प्रभाव पार्ने गरेको छ ।जसलाई कम गर्नका लागि सरकारले यसको स्थापना गर्ने सोच बनाएको हो । सरकारले धितोपत्र दलाल, ब्यापारी तथा बजार निर्माता नियमावली २०६४ मा बजार निर्माताको अवधारणा अघि सारेको थियो । तर विश्वबजारमा बजार निर्माताको अवधारणा पुरानो भइसकेकाले यो नियमावली आएको तीन चार वर्ष नबित्दै फेरी स्टक डिलरको अवधारणा अघि सारियो । र , आर्थिक वर्ष २०७२/०७३ को बजेमा नागरिक लगानी कोषलाई स्टक डिलरको रुपमा अघि बढाउने घोषणा नै गरियो ।
अहिलेसम्म सरकारले न यसका लागि आवश्यक पर्नेगरि धितोपत्र दलाल, ब्यापारी तथा बजार निर्माता नियमावली २०६४ नै संसोधन गरेको छ नत नागरिक लगानी कोषले नै अहिलेसम्म कम्पनी दर्ता र यसका लागि आवश्यक पर्ने प्रवन्धपत्र र नियमावली नै तयार गरेको छ ।
स्टक डिलरले बजारमा सेयरको आपुर्ति कम भएका बेला सेयर बेच्छ भने बजारमा सेयरको उपलब्धता अधिक भएका बेलामा सेयर खरिद गर्छ । तर यसरी खरिद वा बिक्री गर्दा नाफा हुने निश्चीन्त भएपछि मात्रै उसले कारोबार गर्छ ।
अहिले आम लगानीकर्ताले बजार ठूलो मात्रामा बढ्न र घट्न नदिनका लागि यो उपयोगि हुने ठानेका छन् । तर बिज्ञहरु यो वास्तवीकता नभएको तर्क गर्छन् । किनकी यसले पनि आफ्नो नाफा हेर्छ ।
