काठमाडौं, १८ पुष
सुनचाँदीको मूल्य आज ह्वात्तै बढेको छ । नेपाल सुनचाँदी महासंघले सुनको मूल्य हालसम्मकै उच्च रहेको जानकारी दिएको छ । महासंघका अनुसार आज एकैदिनमा छापावाल सुन प्रतितोला एक हजार रुपैयाँले बढेर ७४ हजार ५ सय पुगेको छ ।
यसअघि ७३ हजार ५ सय तोलामा कारोबार भइरहेको थियो ।
त्यस्तै, तेजावी सुन पनि आज तोलामा एक हजार बढेर ७४ हजार २ सय रुपैयाँ पुगेको छ । यसअघि तेजावी सुन तोलाको ७३ हजार ३ सय रहेको थियो ।
यता चाँदीको भाउमा तोलाको १० रुपैयाँ बढेर प्रतितोला ९ सय पुगेको महासंघले जनाएको छ । यसअघि ताँदी तोलामा ८ सय ९० रुपैयाँ रहेको थियो ।
