काठमाडौं ,पुष १५
नेपाली किशोरीहरु दिल्लीका निजी अपार्टमेन्टमा बेचिने गरेको पाइएको छ ।
मानव तस्करहरुले यौन शोषणका लागि नेपाली किशोरीलाई दिल्लीका निजी अपार्टमेन्टमा बिक्री गर्न थालेको माइती नेपालले जनाएको छ ।
माइती नेपालका अनुुसार पहिले नेपाली चेलीहरु दिल्लीको कोठीमा बेचविखन हुने गरेका थिए भने अहिले दिल्लीका निजी अपार्टमेन्टहरुमा पनि बेचिन थालेका छन् ।
माइति नेपालले मंगलबार एक विज्ञप्ति जारी गर्दै मानव बेचबिखन र ओसारपसारले नयाँ रुप लिन थालेको बताएको छ ।
माइती नेपालको विज्ञप्तिमा भनिएको छ ‘भारतका विभिन्न कोठीहरुमा यौन शोषणका लागि नेपाली किशोरीहरुको बेचविखन हुने गरेकामा हाल आएर निजी घर तथा अपार्टमेन्टहरु समेतलाई भाडामा लिई यौन व्यवसाय सञ्चालन गर्ने नौलो तरिका दलालहरुले अपनाउन थालेका छन् ।
मानव दलालहरुले सामाजिक सञ्जाल फेसबुक, इमो, ह्वाट्सएप, भाइबर, मेसेन्जरलगायतको दुरुपयोग गरी आफ्नो सम्पर्क संयन्त्रलाई दिनानुदिन सहज बनाएको माइति नेपालले जनानएको छ ।
यसैगरी माइती नेपालले सन् २०१९ को जनवरीदेखि डिसेम्बरसम्म नेपाल भारत सीमानाबाट २२४ सय ८५ जनाको उद्धार गरेको जनाकारी दियो ।
बेचबिखनमा परी श्रम तथा यौन शोषणमा परेका ३ सय २२ जनालाई भारतबाट, खाडीबाट १६ जना, आन्तरिक बेचविखनमा परेका ४४ जनाको उद्धार गरिएको बताइएको छ ।
