पर्सा, पुस १०
बीरगंज महानगरपालिका १६ रजत जयन्ती चोकबाट नियन्त्रित लागूऔषध सहित सोही स्थान बस्ने ३१ वर्षीय सुरज बेलदारलाई मंगलबार दिउँसो प्रहरीले पक्राउ गरेको छ ।
जिल्ला प्रहरी कार्यालय पर्साबाट खटिएको प्रहरी टोलीले जाँच गर्ने क्रममा बेलदारको साथबाट नियन्त्रित लागूऔषध फेनारगन १५ एम्पुल, डाईजेल्याप १५ एम्पुल र नुर्फिन १५ एम्पुल सहित फेला पारी उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।