काठमाडौ, २९ मंसिर
१५ बर्ष अघि धारिलो हतियार प्रहार गरी हत्या गर्ने दुुई जना आरोपीहरू पक्राउ परेकाछन । केन्द्र्रिय अनुसन्धान व्युरो सिआईबीका अनुसार बिंस २०६१ बैशाख २६ गते जिल्ला नुवाकोट साविक गोर्स्याङ गा.वि.स. वडा नं.२ हालको तार्केश्वर गाउँपालिका वडा नं. ५ बस्ने जाहेरवाला वाङ्देन लामाको छोरो बर्ष १५ को लैलु लामालाई ऐ.ऐ. वडा नं. ४ कर्छिन्टे स्थित फ्याङबो तामाङको घरमा घेवा हेर्न गएको अवस्थामा अं. २१ बजेको समयमा जिल्ला नुवाकोट साविक गोर्स्याङ गा.वि.स.८ हाल तार्केश्वर गाउँपालिका वडा नं. ५ बस्ने सन्त बहादुर तामाङ्ग र ऐ. बस्ने केशब लामा समेत चार जनाले टोल टोलको झगडाको विषयलाई लिएर कुटपिट गरी गम्भिर घाईते बनाएकोमा उपचारको क्रममा २०६१ बैशाख २९ गते त्रिशुली अस्पतालमा मृत्यु भएको थियो ।
उक्त कर्तव्य ज्यान मुद्दाका वारदात पश्चात हालसम्म फरार रहेका प्रतिवादीहरु सन्त बहादुर तामाङ्गलाई यही मंसिर २८ गते पाँच बजेको समयमा जिल्ला काठमाण्डौं नागार्जुन न.पा.वडा नं. २ नाम्गेल चोकबाट र केशब लामालाई ऐ. मितिको १७ः३० बजेको समयमा जिल्ला काठमाण्डौं का.म.न.पा. १७ ढल्कुबाट प्रहरी प्रधान कार्यालय, केन्द्रीय अनुसन्धान व्यूरोबाट खटिएको विशेष टोलिले पक्राउ गरेकोहो ।
पक्राउ प्रतिबादीहरूलाई आवश्यक कारवाहीको आज आईतबार जिल्ला प्रहरी कार्यालय नुवाकोट पठाईएको सिआईबीका प्रवक्ता प्रहरी उपरिक्षक बेल बहादुर पाण्डेले जानकारी दिएकाछन ।
