काठमाडौं, २७ मंसिर
काठमाडौं महानगरपालिका १७ ढल्कुस्थित पोडे टोल डेरा गरी बस्ने दोलखा घर भएका ३३ वर्षीय रत्न बहादुर नेपालीको कोठाबाट बिहीबार दिउँसो कोही नभएको अवस्थामा नगद १ लाख ५० हजार रुपैयाँ र सुनका बिभिन्न गहना समेत गरी करिब २ लाख २४ हजार रुपैयाँ बराबरको धनमाल चोरी भएको छ ।
बाँके, नेपालगंज उपमहानगरपालिका(१२ बस्ने कमल शाहीको सोही ठाउँस्थित रोयल कर्णाली ईलेक्ट्रो मार्ट मोबाइल पसलबाट बिहीबार दिउँसो नगद तथा बिभिन्न प्रकारका मोबाइल समेत गरी करिब ३ लाख ८० हजार रुपैयाँ बराबरको धनमाल चोरी भएको छ । चोरीमा संलग्न व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।
