काठमाडौं, मंसिर २०

बैंकहरुले कर्जा प्रदान गर्नका लागि लिने धितोमा कृषिजन्य बस्तुहरु राख्ने क्रम केहि कम भएको देखिन्छ । धितो राख्नका लागि उनिहरुले घरजग्गालाई नै प्राथमिकता दिएको देखिन्छ ।

असोज मसान्तमा बैंक तथा वित्तीय संस्थाले ६४.४ प्रतिशत कर्जा घरजग्गाको धितोमा प्रदान गरेको देखिन्छ । गत वर्ष भने बैंकहरुले प्रदान गरेको कर्जामध्ये ६३.१ प्रतिशत कर्जा घरजग्गामा राखेर दिएका थिए ।

त्यसैगरि अहिलेसम्म १३.७ प्रतिशत कर्जा भने कृषि तथा गैर–कृषिजन्य वस्तुको धितोमा प्रवाह भएको देखिन्छ । जुन १४.४ प्रतिशत रहेको थियो ।

बैंक तथा वित्तीय संस्थाबाट निजी क्षेत्रमा प्रवाहित कर्जा ४.३ प्रतिशतले बढेको छ । अघिल्लो वर्षको सोही अवधिमा यस्तो कर्जा ७.२ प्रतिशतले बढेको थियो । वार्षिक बिन्दुगत आधारमा २०७६ असोज मसान्तमा बैंक तथा वित्तीय संस्थाबाट निजी क्षेत्रतर्पm प्रवाहित कर्जा १६.२ प्रतिशतल ेबढेको छ ।

बैंक तथा वित्तीय संस्थाको कृषि क्षेत्रतर्फको कर्जा २ प्रतिशत, औद्योगिक उत्पादन क्षेत्रतर्फको कर्जा ५.४ प्रतिशत, निर्माण क्षेत्रतर्फको कर्जा ४.४ प्रतिशतले बढेको छ । त्यसैगरि यातायात, संचार तथा सार्वजनिक सेवा क्षेत्रतर्फको कर्जा ५.४ प्रतिशत र सेवा उद्योग क्षेत्रतर्फको कर्जा ६.३ प्रतिशतले बढेको छ ।

बैंक तथा वित्तीय संस्थाबाट प्रवाहित आवधिक कर्जा ७ प्रतिशत, ट्रष्ट रिसिट कर्जा ८.९ प्रतिशत, डिमान्ड तथा चालु पँुजी कर्जा ६.२ प्रतिशतले बढेको छ । साथै रियल स्टेट कर्जा (व्यक्तिगत आवासीय घर कर्जा समेत) र ओभरड्राफ्ट कर्जा १ प्रतिशतले बढेको छ भने मार्जिन प्रकृतिको कर्जा ०.२ प्रतिशतले घटेको छ ।