काठमाडौँ,१६ मङ्सिर
बार्सिलोनाले स्पेनिस ला लिगा फुटबलमा एथ्लेटिकोे मड्रिडलाई पराजित गरेको छ । आइतबार राति भएको खेलमा बार्सिलोनाले एथ्लेटिकोे म्याड्रिडलाई १–० गोलले पराजित गरेको हो ।
बार्साको जितमा लियोनेल मेस्सीले गोल गरेका थिए। मेस्सीले ८६औं मिनेटमा लुइस स्वारेजको पासमा गोल गरेका थिए । लियोनल मेस्सीले निर्णायक गोल गरेपछि साविक विजेता बार्सिलोना स्पेनिस ला लिगा फुटबलको शीर्ष स्थानमा उक्लिएको छ ।
जीतसँगै १४ खेल खेलेको बार्सिलोनाको ३१ अंक रहेको छ ।छैटौँ स्थानमा रहेको एथ्लेटिकोे २५ अंक छ ।
