काठमाडौं, ७ मंसिर
राष्ट्र बैंकको निर्देशन बमोजिम बैंकहरुले आफ्नो शाखा त विस्तार गरे तर त्यस अनुरुप व्यवसाय विस्तार गर्न नसक्दा त्यसको सोझो असर बैंकहरुको नाफामा देखिएको छ । देश संघिय व्यवस्थामा प्रवेश गरेसँगै नेपाल राष्ट्र बैंकले दुई वर्ष अघि वाणिज्य बैंंकहरुलाई ७ सय ५३ स्थानमा शाखा विस्तार गर्न निर्देशन दियो । जतिबेला २ सय ९६ स्थानिय तहमा मात्रै वाणिज्य बैंकका साखा पुगेका थिए ।

राष्ट्र बैंकको निर्देशन पछि हरेक बैंकलाई १७ वटा जति शाखा विस्तार गर्नुपर्याे । अहिलेसम्म ७ सय ३९ साखामा बैंकका साखा पुगेका छन् । तर यस्तो ग्रामीण भेगमा पुगेका शाखाले व्यवसाय भने गर्न सकेका छैनन् । जसका कारण पछिल्लो समय बैंकहरुको सञ्चालन खर्च बढ्दै गएको छ ।बैंकहरुको ब्याजमा पनि केहि कमी आएको छ । हालैमात्रै प्रकाशित बैंकहरुको पहिलो त्रैमासको वित्तीय विवरण अनुसार ६ वटा वाणिज्य बैंकहरुको नाफा गत वर्षको असोज महिनाको तुलनामा घटेको छ । सञ्चालन खर्च बढ्दै जाने र ब्याज आम्दानीमा आएको कमिले समग्रमा बैंकहरुको नाफामा नै असर गरेको छ ।

वित्तिय विवरणका अनुसार इन्भेष्टमेन्ट बैंक, नेपाल बैंक, सिद्धार्थ बैंक, एसबिआई बैंक, बैंक अफ काठमाडौं र सिभिल बैंकको नाफा गत वर्षको तुलनामा घटेको छ । राष्ट्र बैंकले चालु आर्थिक वर्षको मौद्रिक नीति मार्फत स्प्रेडदर ४ दशमलव ४ प्रतिशत तोकेको छ । साथै यसको गणना विधी पनि परिवर्तन गरेको छ । निक्षेप र कर्जाको ब्याजको अन्तर साघुरिदै गएपछि त्यसको असर बैंकको आम्दानीमा परेको हो । १० वटा वाणिज्य बैंकको खराब कर्जा गत वर्षको तुलनामा बढेको छ । नियमित ब्याज आउनुपर्ने कर्जा खराबमा परिणत हुने क्रम बढ्दा पनि नाफामा केहि कमि आएको हो ।

पहिलो त्रैमासमा नाफामा आएको गिरावटले यो वर्षको नाफामा नै कमि संकेत गरेको छ । ब्याज आम्दानीमा कमि आउँदा त्यसको प्रत्यक्ष फाइदा बैंकबाट ऋण लिनेलाई पुग्छ तर यसका सेयरधनीले भने उच्च लाभांस पाउन सक्दैनन् ।

असोज सम्ममा बैंकहरुको नाफा :