काठमाडौं, ३० कात्तिक
महालक्ष्मी विकास बैंकले कार्तिक २९ गते शुक्रबारका दिन आफ्नो १८ औँ वार्षिक साधारण सभा सफलतापूर्वक सम्पन्न गरेको छ । उक्त साधारण सभामा बैंकको संचालक समितिले प्रस्ताव गरे अनुसार शेयरधनीहरुलाई संस्थाको आर्थिक वर्ष २०७५/०७६ को मुनाफाबाट ९.८९ प्रतिसत नगद लाभांश र ८ प्रतिसतका दरले बोनस सेयर वितरण गर्ने प्रस्ताव पारित गरिएको बैंकले जनाएको छ ।
देशकाशहरी तथा ग्रामीण क्षेत्रका विभिन्न स्थानहरुमा १०२ वटा शाखातथा ३५ वटा एटिएमहरु मार्फत सेवा प्रदान गरिरहेको बैंकमा ग्राहक संख्या करिब ५ लाखभन्दा बढी रहेको छ ।
बैंकका अनुसार नेपाल चार्टड अकाउन्टेन्ट्स संस्था (आईक्यान) द्वारा प्रदान गरिएको विकास बैैंकतर्फको उत्कृष्ट वार्षिक वित्तीय प्रतिवेदन अवार्ड २०१८ र साफा उत्कृष्ट वार्षिक वित्तीय प्रतिवेदन अवार्ड -२०१८प्राप्त गर्न सफल बैंकले हालसम्म करिब ३४ अर्ब २८ करोड रुपैयाँ निक्षेप संकलन गरी २८ अर्ब ९४ करोड रुपैयाँ कर्जा प्रवाह गरेको छ ।
