काठमाडौं, २९ कात्तिक
चोरी गरिएका बा.२१ च ८७१४ र बा.१८ च ३१३८ नम्बरको स्कर्पियो तथा बा.११ च ९७९४ नम्बरको प्राईभेट फर्च्युनर कार सहित काठमाडौं सोह्रखुट्टे नयाँबजारस्थित आदित्य ट्रान्सपोर्टका संचालक काठमाडौं तार्केश्वर नगरपालिका गोलढुङ्गा बस्ने गोरखा सुलिकोट गाउँपालिका-७ घर भएका ३४ वर्षीय मुकुन्द प्रसाद पुडासैनीलाई बिहीबार राति प्रहरीले पक्राउ गरेको छ ।
उक्त ट्रान्सपोर्टले चोरीको गाडीहरु प्रयोग गर्ने गरेको भन्ने सूचनाको आधारमा महानगरीय प्रहरी वृत्तकालिमाटीबाट खटिएको प्रहरीले पुडासैनीलाई कलंकीबाट उक्त गाडीहरु सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
