• गृहपृष्ठ
  • योग, प्राकृतिक चिकित्सा, आयुर्वेद तथा जडिबुटी सम्बन्धी नयाँ पाठ्यक्रममा चिनियाँ सरकारको चासो, चिनबाट वार्षिक १ हजार विद्यार्थी पढ्न आउने

योग, प्राकृतिक चिकित्सा, आयुर्वेद तथा जडिबुटी सम्बन्धी नयाँ पाठ्यक्रममा चिनियाँ सरकारको चासो, चिनबाट वार्षिक १ हजार विद्यार्थी पढ्न आउने

Oct 19th, 2019

काठमाडौं, ४ भदौ
शिक्षा, विज्ञान तथा प्रविधि मन्त्रालले योग, प्राकृतिक चिकित्सा, आयुर्वेद तथा जडिबुटी सम्बन्धी नयाँ पाठ्यक्रममा बनाएपछि चिन सरकारले चासो व्यक्त गरेको छ । चीनको ‘चाईना डायलिटिकल एशोसियसन’ का अध्यक्ष तथा बेइजिङ नर्मल युनिभर्सिटीका प्रोफेसर प्रो लिउ सिआओ थिङले शिक्षा विज्ञान तथा प्रविधि मन्त्री गिरिराजमणि पोखरेलसंग भेटगरी योग, प्राकृतिक चिकित्सा, आयुर्वेद तथा जडिबुटी विषय अध्ययनको लागी चिन सरकारले बार्षिक १ हजार विद्यार्थी पठाउने ईच्छा व्यक्त गर्नुभएको छ । नेपाल सरकारसंगको सहमतिमा बार्षिक १ हजारको संख्यामा विद्यार्थी पठाउन चिन सरकार तयार रहेको प्रोफेसर थिङले जानकारी दिनुभयो । 

हिजोदेखी काठमाडौंको प्रज्ञा प्रतिष्ठानमा जारी माक्र्सवाद र एसियाली दर्शन अन्तराष्ट्रिय सम्मेलनमा सहभागी हुन आउनुभएका प्रोफेसर थिङ मन्त्री पोखरेल भेट्न आज सिहंदरबार स्थित मन्त्रालय आउनुभएको थियो । भेटको क्रममा नेपाल योग, प्राकृतिक चिकित्सा, आयुर्वेद तथा जडिबुटी सम्बन्धि अध्ययन गर्न उपयुक्त देश भएकोले आफुहरु सहयोग गर्न तयार रहेको थिङले प्रष्ट पार्नुभयो । एशोसियसन चीन सरकारको उच्च तहको निकाय हो ।

भेटको क्रममा शिक्षा, विज्ञान तथा प्रविधि मन्त्री गिरिराजमणि पोखरेलले योग, प्राकृतिक चिकित्सा, आयुर्वेद तथा जडिबुटी पाठ्यक्रम आफ्नो चासोको विषय भएकोले तुरुन्तै आवश्यक छलफल र तयारी गरि पाठ्यक्रम लागू गर्ने र एशोसियनसन र चीन सरकारलाई धन्यवाद ज्ञापन गर्दै सहकार्यको अपेक्षा गरिएको बताउनुभयो । मन्त्री पोखरेलले योग, प्राकृतिक चिकित्सा, आयुर्वेद तथा जडिबुटी विषय देशको अहिलेको आवश्यकताको बिषय भएको प्रष्ट पार्दै गुणस्तरीय शिक्षा दिने विश्वास दिलाउनुभयो ।