काठमाडौ, असोज ३०
हन्सराज हुलासचन्द एण्ड कम्पनी प्रा.लिले केटिएम को एक मात्र वितरक हो । ऐतिहासिक युरोपियन मोटरसाइकल उत्पादक केटिएमले काठमाडौंको सानोगौचरनमा नयाँ सर्भिस सेन्टर खोलेको छ । आज बिहिबार हन्सराज हुलासचन्द एण्ड कम्पनी प्रा.लि.का कार्यकारी निर्देशक शेखर गोल्छाले सेन्टरको उद्घाटन गरेका हुुन । सर्भिस सेन्टरमा एकै चोटि २० वटा बाइकहरु सर्भिसिङ्ग गर्ने क्षमता छ, जुन को नेपालमा रहेको सर्भिस सेन्टरहरु मध्येकै अहिलेसम्मको सबैभन्दा ठूलो सर्भिस सेन्टर हो ।
नयाँ सर्भिस सेन्टरले केटिएम का ग्राहकहरुलाई प्रिमियम सर्भिसको अनुभूतिको साथै अत्याधुनिक उपकरण र दक्षप्राविधिकहरुद्वारा उत्कृष्ट सेवा प्रदान गर्नेछ । सर्भिस सेन्टरको मुख्य लक्ष्य भनेको नेपालमा बढिरहेका रेसिङ्ग उत्साहीहरुलाई अतुलनीय अनुभूति प्रदान गर्नु हो ।
केटिएम विश्वभरमै अफ–रोड बाइकिङ्ग सेग्मेन्टमा सबैभन्दा अग्रणी स्थानमा रहेको छ । हालको दशकमाकुनै अन्य ब्राण्ड अफ–रोड मोटरसाइकल रेसिङ्गमा यत्तिको सफल भएको छैन । अहिलेको दिनसम्ममा केटिएम बाइकहरुले २९१ वटा विश्व च्याम्पियनसिप उपाधिहरु जितिसकेका छ । जसमा सबैभन्दा गाह्रो र सबैभन्दा प्रख्यात डकर ¥यालीपनि समावेश छन् । त्यो पनि १ पटक मात्र नभएर पूरै १८ पटक जितिसकेको छ ।
