काठमाडौं, ३० असोज
बैंक अफ काठमाडाैंकाे २५ औं वार्षिक साधारण आज बिहिबार सम्पन्न भएको छ । सञ्चालक समितिका अध्यक्ष प्रकाश श्रेष्ठको अध्यक्षतामा सम्पन्न सभाले समितिको प्रतिवेदन पारित गरेको हो ।
बैंकको खुद मुनाफा गत वर्षको तुलनामा करिव ४३.६१ प्रतिशतले वृद्घिभई १ अर्ब ८९ करोड रुपैयाँ पुगेको बैंकले जनाएको छ । साधारण सभाले २०७५/७६ सम्मको सञ्चित मुनाफाबाट २०७६ असार सम्ममा कायम गरेको सेयर पूँजीको ६ प्रतिशत बोनस सेयर र ११ प्रतिशत नगद लाभांश दिने प्रस्ताव पारित गरेको छ । बैंकका अनुसार सोही अवसरमा बैंकले आफ्ना लगानिकर्ता तथा ग्राहकहरुको लागि बि.ओ.के. लगानिकर्ता बचत खाता र्सावजानिक गरिएको छ ।
आवब. २०७५/७६ मा बैंकको कुल निक्षेप ८३ अर्व ३२ करोड तथा कुल कर्जा ७६ अर्व ३६ करोड रहेको छ । साथै बैंकले हाल ८७ शाखा, ७८ ए.टि.एम तथा ९ वटा एक्सटेन्सन काउण्टर सन्जालमार्फत आफ्ना ग्राहकहरुलाई सम्पूर्ण बैंकिङ्ग सेवा सुविधाहरु प्रदान गरिरहेको बैंकले जनाएको छ ।
