काठमाडौं, २९ भदौ
प्राइम कमर्सियल बैंक लिमिटेडले कन्काई विकास बैंक लिमिटेडलाई प्राप्ति पश्चातको एकीकृत कारोबार शुभारम्भ गरेको छ । आज आईतबार एक समारोह बीच प्राईम बैंकका अध्यक्ष राजेन्द्रदास श्रेष्ठले कन्काई विकास बैंक लिमिटेडलाई प्राप्ति पश्चातको एकीकृत कारोबार आरम्भ गरेका हुुन् । प्राइम कमर्सियल बैंकका अध्यक्ष राजेन्द्रदाश श्रेष्ठको सभापतित्वमा सम्पन्न उक्त कार्यक्रममा प्राइम कमर्सियल बैंक लिमिटेडका प्रमुख कार्यकारी अधिकृत नारायण दास मानन्धर तथा दुबै बैंकका संचालकहरु र बैंककाक र्मचारीहरुको उपस्थिति रहेको थियो ।
बैंकले विभिन्न वित्तिय संस्थाहरुलाई मर्जर तथा प्राप्ति समेत गरी आफ्नो पूँजी बढाउने योजना अन्र्तगत कन्काई विकास बैंक लिमिटेडलाई प्राप्ति गरेको हो । यी दुई बैंकहरुको प्राप्ति पश्चात बैंकको चुक्ता पूँजी नौ अर्ब ६८ करोड रुपैयाँ पुगेको छ भने निक्षेप ८८ अर्ब तीन करोड रुपैयाँ र कर्जा ८० अर्ब २८ करोड रुपैयाँ पुगेको छ । प्राप्ति पश्चात बैंकको कुल शाखा संख्या ९५ पुगेको छ ।
